كيف أجعل إبني يدافع عن نفسه ؟؟ إبني ضعيف ... إبني مش بيدافع عن نفسه ... أعمل ايه ؟؟ خطوات تعليم الطفل الدفاع عن نفسه السؤال ده متكرر و الحقيقه أنا شخصيا مريت بيه و مكنتش عارفه أعمل إيه و جربت كل الحلول لحد ما وصلت لأني قلت لابني اللي يضربك أضربه .... بس الحقيقه حتي دي منفعتش .. لأن تصريحك بالضرب للطفل بيديله قوه وهو لسه معندهوش الحكمه اللي تحكمها فدايره العنف بتزيد جدااا و الضرب مش بينتهي برضه و في بعض الأوقات ممكن الموضوع يوصل للأذي .. طب نعمل إيه ؟؟؟ أولا : مفتاح الدفاع عن النفس هو الثقه في النفس .. لو واثق في نفسه و مقدرها حتي لو مش عارف يدافع عن نفسه دلؤتي فالموضوع مسأله وقت. ثانيا : حرمه الجسد : لو ابنك أو بنتك من البدايه فاهم ان جسمه له حرمه و ممنوع حد يلمسه حيفرق كتير في حمايته لنفسه من الضرب أو التحرش. ثالثا: التدريب و الممارسه : من المهم جدااا التدريب علي الدفاع عن النفس ... التدريب العملي مش الكلام ... يعني نمثل انا وهو .. هو و اخوه ... ايا كان .. نمثل سيناريو لحد جاي يضربني و نتدرب حنعمل ايه ... " علي فكره ده السياق الطبيعي لتعليم أي مهاره... رابعا : التنفيذ في...
